تفرجت مؤخرا في واحد الفيلم ميركاني المضمون ديالو شي عناصر أفغانية بغات تختاطف الرئيس الامريكي و شي وزاراء دياولو ،وكيفاش الرئيس الامريكي هرب و هز السلاح و بدا كيتقاتل و يجري و ينقز من طوموبيل ل طوموبيل و حتى الوزراء ديالو مضاربين وحتا هوما هازين السلاح وكيدافعو على روسهم ...وانا نتفكر زعما يكون بن كيران و شي وزراء ديالو في شي لعيبة ف افريقيا تجي "بوكو حرام " تبغي تخطفهم ،تخليت بن كيران كيجري ويطيح في الغابة و كيقول را ماشي انا را حكومة الظل هيا لي كتسوى أما أنا را مانجيب والو ...وتابعو أوزين كيغوت عطيوني أ كراطة ونفرجكم فيهم.. وحتا الوزيرة الحيطي كتطلب فيهم ها العار لعندكم شي زبل صايفطوه ليا انا نشدو أ خليوني.. وسي الخلفي كيجري وكيغوت انا راني غنترشح أ في سيدي بنور متخافو كاع مني JE suis claire...شوية يجي وزير الخارجية مزوار خليوني نفعفعهم راهم يخافو و يهربو ..وديك المسكينة شرفات افيلال تقول ليهم انا راني كنشد أ جوج فرانك ماعندكم ماتديرو بيا وتابعهم محمد الوفا و كيغوت والله أوباما باباه ماعندو بحال هاد الحكومة....
المهم الرئيس الامريكي في الاخير كيتعتق و كيموتو الارهابيين ..النهاية ديال المغرب مازال معرفتهاش و #ها_نتوما_معلومين
Adil aouad
ديما الواليد ديالها كيواعدها غير تشد الباك بمعدل مُشرِّف يدخلها تكمل قرايتها في مدراسة مزيانة وليني القدر أقوى من الاماني ديال الانسان... مرض باها ومات ،هو لي كان كيصرف على الدار وداكشي لي خلاو ليه في لمانضا يالله كافي الكرا والما والضو و الماكلة وقرايت الدراري، وكاع الاحلام لي كانت راسمة لبنت تبدلات ... شي عمها داها عندو باش تقرا ساعة عيالات اولاد عمها ماحملوهاش ودارو ليها 1000 سبة حتا رجعات فحالها....مشات لفاك وبدات كتقرا وخ الظروف المادية ماكانتش معاونة وتكرفسات معاها امها ، شي صاحبتها ساكنة في نفس الدار لي كارية فيها قالت ليها :خويا لكبير باغي يتزوج و بنتي ليا نتي بنت معقولة وضريفة وزوينة وحااادكة...صافي قالتها لامها لي مفكراتش بزااف :شوفي ابنتي لكان خدام ومعقول ،لمرا را يسعد راجل والله لا يعكس امور...جاب دراهم دارو خطبة وتكاتيبة ودارو حفلة صغيرة وقضاو الغراض ...مشات معاه لمراكش سكنت مع دارهم وكلشي بخير مرة فرحانين مرة مخاصمين و الحياة غادى بحالهم بحال الناس هو كان خدام في الصحرا كيغيب بالايام و بعض المرات كتوصل شهر او شهرين كتبقى البنت مع امو وخواتاتو.. بدات شوية العلاقة بيناتهم كتخياب وخاصة ان الله مايسرش ليها في الاولاد وماحملاتش وهاد القضية ولات ليها بحال المعيورة :كوني بحال لالياتك و تجيبي الوالد...البنت مابقاتش قادرة تصبر الراجل مابقاش كيجي كاع للدار من كثرة الصداع و المعاملة مع ناسها ولات خايبة...قالت ليه نمشي لدارنا شي ايامات نبدل الساعة و ترتاح النفوس و نرجع...مشات لدارهم وهو يصايفط ليها حوايجها مع الكار و دعوة الطلاق ،مرضات فيها أإو ولات سادة على راسها تكرفسات نفسيا وهي لي كانت ضانة انها بالزواج غادا ترتاح، وليني داكشي مقدرو الله مامنو هروب ...من بعد قلبات على خدمة وخ المانضا فيها قليلة بزاااف وليني راها عايشة بيها بكرامة ومازال كتستنى حقها في الحياة.. والله لا يحرم لوليدات الصغار من والديهم .. عندنا رب يتولانا مجموعين
#Aouad
استبشرت ساكنة جماعة الغنادرة خير استبشرت ساكنة جماعة الغنادرة خيراواخراج وتدشين دار الطالبة للوجود بحيث سخرت جماعة الغنادرة جميع...
